Mahaleo – Ao izy e (Tononkira)

  •  
  •  
  •  
  •  
  •  
  •  
  •  

Ianao lay nailika, ankilabao
Nasiana tsipika tsy azo hihoaranao
Toy irony kamboty, tsy misy mpiahy
Mba te hiangoty nefa tsy reny tsy ray

Ao Izy e, hanome lay anjara fitia
F’Izy anie no mandre
Ny antson’ireo very dia
Ao Izy e, hanome lay anjara fitia
F’ Izy anie no hany mandre
Ny antso manginan’ireo izay nania

Ianao ‘lay nibaboka fa nanao ny ratsy
Vao mainka nadaboka sy narahina fantsy
Toy ny resy mifona fa nanao ny ratsy
Odiana tsy henoina

Ao izy e, hanome lay anjara fitia
F’Izy anie no mandre
Ny antson’ireo very dia
Ao Izy e, hanome lay anjara fitia
F’ Izy anie no hany mandre
Ny antso manginan’ireo izay nania

Ianao diso famindra, solafaka
Ireo namanao indrindra no nanavakavaka
Fa nadio ianao fahiny, nolazaina hoe tsy ratsy
Nefa dia nomena tsiny fa nisy loto nanasy

Ao Izy e, hanome lay anjara fitia
F’Izy anie no mandre
Ny antson’ireo very dia
Ao Izy e, hanome lay anjara fitia
F’ Izy anie no hany mandre
Ny antso manginan’ireo izay nania

Vos réactions

commentaires

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*